🔥छत्रपती संभाजीनगर अंजनडोह शिवारात महिलेचा गळा चिरलेला मृतदेह… सत्य कोण लपवतंय?

दिनांक ३१/१०/२०२५ रोजी दुपारी अंजनडोह शिवारातील फॉरेस्टमध्ये लोहगड नांद्रा जाणा-या रोडच्या कडेला नालीत एका महिलेचे गळा कापलेल्या अवस्थेत मृतदेह असल्याची माहिती मिळाल्याने सदर घटणास्थळी उपविभागीय पोलीस अधिकारी श्रीमती पुजा नांगरे, स्थानिक गुन्हे शाखेचे पोनि विजयसिंह राजपुत व स्थानिक पोलीस यांनी घटणास्थळाची पाहणी केली असता एक स्त्री जातीचे गळा कापुन तीची क्रुर हत्या केल्याचे आढळुन आले होते. नमुद मृतदेहाची ओळख पटवली असता नमुद मृतदेह हा कांताबाई अनिल सोमदे वय ५१ वर्ष रा. आडगाव सरक ता.जि.छत्रपती संभाजीनगर यांचा असल्याचे निष्पन्न झाले होते.

कांताबाई अनिल सोमदे रा. आडगाव सरक ता. जि. छत्रपती संभाजीनगर हया दिनांक ३०/१०/२०२५ रोजी सकाळी आठ वाजेच्या सुमारास घाटी दवाखाना येथे उपचारकामी जात आहे असे सांगुन घरुन गेल्या होत्या. सकाळी साडेआकरा वाजेच्या दरम्यान त्यांचे पती यांनी फोन करुन कोठे आहे असे विचारले असता त्यांनी सांगितले होते की, मी घाटी दवाखाना येथे नंबरला उभी आहे. 

कांताबाई संध्याकाळी घरी न आल्याने तसेच फोन न लागल्याने त्यांचा घाटी दवाखाना व ईतर ठिकाणी शोध घेतला त्या मिळुन न आल्याने बेपत्ता झाल्या बाबत पोलीस ठाणे बेगमपुरा छत्रपती संभाजीनगर शहर येथे मिसिंग क्र ५२/२०२५ दिनांक ३१/१०/२०२५ अन्वये दाखल करण्यात आली होती. दिनांक ३१/१०/२०२५ रोजी दुपारी त्यांचा मृतदेह अंजनडोह शिवारात मिळुन आल्याने पोलीस ठाणे करमाड येथे फिर्यादी नामे अनिल एकनाथ सोमदे वय ५५ वर्ष व्यवसाय शेती रा. आडगाव सरक ता. जि. छत्रपती संभाजीनगर यांचे फिर्यादीवरुन गुरन ४६४/२०२५ कलम १०३ (१) बी एन एस नुसार गुन्हा दाखल करण्यात आला.

सदर गुन्हयाचे अनुषंगाने मा. पोलीस अधिक्षक साहेब यांचे आदेशान्वये व मा. विजयसिंग राजपुत पोनि स्थागुशा छत्रपती संभाजीनगर ग्रामीण यांचे मार्गदर्शनाखाली सपोनि पवन इंगळे, पोहेकॉ सुनिल गोरे, वाल्मिक निकम, शिवानंद बनगे, महेश बिरुटे, अनिल काळे, चालक संजय तांदळे यांचे पथकास सदर गुन्हयातील आरोपीचा शोध घेवुन गुन्हा उघडकीस आणण्याच्या सुचना केल्या.

 त्यावरुन गोपनीय माहिती वरुन सदरचा गुन्हा हा मारुती नामदेव भुईगळ रा. धानोरा ता. फुलंब्री याने केला असल्याची माहिती मिळाल्याने त्याचा शोध घेतला असता ईसम नामे मारुती नामदेव भुईगळ वय ५० वर्ष रा. धानोरा ता. फुलंब्री जि. छत्रपती संभाजीनगर हा मिळुन आला. त्यास ताब्यात घेवुन गुन्हयाबाबत विचारपुस केली असता तो व मृतक महिला एकमेकाचे ओळखीचे होते त्यांच्यात झालेल्या वैयक्तीक वादातुन त्याने मृतक महिला हिचा खुन केल्याची कबुली दिली.

सदरची कामगीरी मा. पोलीस अधीक्षक, डॉ विनयकुमार राठोड, अपर पोलीस अधीक्षक श्रीमती अन्नपूर्णा सिह यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री. विजयसिंह राजपुत, सपोनि पवन इंगळे, संतोष मिसळे, सुधिर मोटे, पोउपनि महेश घुगे व स्थानिक गुन्हे शाखेचे अंमलदार तसेच पोस्टे करमाडचे पोनि श्री सम्राटसिंग राजपुत व अधिकारी, अंमलदार व तांत्रिक विश्लेषन शाखेचे अंमलदार यांनी केली.